قائداعظم یونیورسٹی میں سانحہ جعفر ایکسپریس کے متاثرین سے اظہار یکجہتی کے لیے امن واک کا انعقاد کیا گیا۔ واک نیشنل انسٹیٹیوٹ آف سائیکالوجی کے زیر اہتمام منعقد کی گئی، جس میں مختلف شعبہ جات سے تعلق رکھنے والے طلبہ کی بڑی تعداد نے شرکت کی۔
اسلام آباد میں ہونے والی امن واک کے دوران طلبہ نے دہشت گردی سے متاثرہ افراد کے ساتھ اظہار یکجہتی کیا اور اپنے جذبات کا اظہار کیا۔ اس موقع پر طلبہ نے بینرز اور پلے کارڈز اٹھا رکھے تھے جن پر ”11 مارچ یوم سیاہ“ اور ”ہم متحد ہیں“ جیسے نعرے درج تھے۔
سانحہ جعفر ایکسپریس کے متاثرین سے اظہار یکجہتی کے لیے واک میں شامل طلبہ نے قومی یکجہتی اور ہم آہنگی پر زور دیا۔
امن واک کے دوران بلوچستان میں جاری دہشت گردی کی کارروائیوں اور ان کے سہولت کاروں کے خلاف شدید غم و غصے کا اظہار کیا گیا۔
امن واک کے شرکاء نے دہشت گردوں اور ان کے سہولت کاروں کے خلاف سخت کارروائی کا مطالبہ کیا۔
یہ واک نہ صرف سانحہ 11 مارچ کی مذمت کے لیے تھی بلکہ دہشت گردی کے خلاف یونیورسٹی کے طلبہ کی مشترکہ آواز بن کر اُٹھی۔