8 اپریل کو پشاور میں ہونے والے پی ایس ایل 10 کے نمائشی میچ کا انعقاد کھٹائی میں پڑ گیا، ڈریسنگ رومز میں بنیادی استعمال کی اشیا دستیاب نہیں ہیں۔
تفصیلات کے مطابق پشاور میں 8 اپریل کو پی ایس ایل کا نمائشی میچ کھٹائی میں پڑ گیا، ذرائع کا کہنا ہے کہ پی سی بی ارباب نیازاسٹیڈیم کی آؤٹ فیلڈ اور پچز سے غیرمطمئن ہیں۔
ذرائع کا کہنا ہے کہ نو تعمیر شدہ ارباب نیاز اسٹیدیم کی غیر معیاری آوٹ فیلڈ، پچز اور ناکافی سہولیات کی وجہ سے پشاور زلمی اور کوئٹہ گلیڈی ایٹٹرز کے مابین کھیلا جانے والا میچ منسوخ ہونے کا امکان ہے۔
ذرائع نے بتایا کہ پی سی بی ریکی ٹیم نے انتظامات پر رپورٹ جمع کروا دی، ڈریسنگ رومز میں بنیادی استعمال کی اشیا دستیاب نہیں ہیں۔
ذرائع کا کہنا ہے کہ بورڈ نے کے پی حکومت کو ہنگامی بنیادوں پر کام مکمل کرنے کا کہہ دیا ہے۔