کراچی میں افطاری کے وقت ڈکیتی کرنے والے 3 ملزمان عوام کے ہتھے چڑھ گئے ، ایک ڈاکو فرار ہوگیا۔
تفیصلات کے مطابق کراچی میں افطاری کے وقت ڈکیتی کرنے والے3 ملزمان عوام کے ہتھے چڑھ گئے، ایک ڈاکو فرارہونے میں کامیاب ہوگیا۔ ابو الحسن اصفہانی روڈ پر عوام نے ڈاکوؤں کو تشدد کا نشانہ بنانے کے بعد پولیس کے حوالے کردیا۔
ذرائع کے مطابق ملزمان ابو الحسن اصفحانی روڈ پر واقعے بیٹری کی دکان میں لوٹ مار کر رہے تھے، شہریوں نےفوری موقع پر ہی 2 ڈاکوؤں کو پکڑ لیا، عوام نے دونوں ملزمان کو تشدد کا نشانہ بنانے کے بعد پولیس کے حوالے کردیا۔
پولیس نےموقع پرپہنچ کرملزمان کوتھانےمنتقل کردیا ہے، پولیس کے مطابق دونوں ملزمان کے قبضے سے اسلحہ ملا ہے ۔