پاکستان اسٹاک مارکیٹ میں آج کاروبار کے دوران مثبت رجحان دیکھنے میں آیا۔ 100انڈیکس میں 881 پوائنٹس اضافہ ہوا۔
کاروباری ہفتے کے چوتھے روز کاروبار کے آغاز پر اسٹاک ایکسچینج میں 900 سے زائد پوائنٹس کا اضافہ ہوا تاہم کاروباری روز کے اختتام پر ہنڈرڈ انڈیکس 881 پوائنٹس اضافے کے ساتھ ایک لاکھ 16 ہزار 901 پوائنٹس کی سطح پر بند ہوا ۔
واضح رہے کہ گزشتہ کاروباری روز کے اختتام پر اسٹاک مارکیٹ میں ہنڈرڈ انڈیکس 755 پوائنٹس کی کمی کیساتھ ایک لاکھ 16 ہزار 20 پوائنٹس کی سطح پر بند ہوا تھا۔
اسٹاک مارکیٹ میں آج 26 ارب 45 کروڑ 53 لاکھ 87 ہزار 387 روپے مالیت کے 22 کروڑ 16 لاکھ 92 ہزار 195 شیئرز کا لین دین ہوا۔