190 ملین پاؤنڈ کرپشن کیس میں اہم پیش رفت سامنے آئی ہے۔ اسلام آباد ہائیکورٹ نے بانی اور بشریٰ بی بی کی جانب سے دائر اپیلوں کو سماعت کے لیے مقرر کر دیا ہے۔ عدالت کی جانب سے جاری کردہ شیڈول کے مطابق ان اپیلوں پر سماعت 30 اپریل کو ہوگی۔
قائم مقام چیف جسٹس سردار سرفراز ڈوگر اور جسٹس محمد آصف خان پر مشتمل بینچ اس اہم مقدمے کی سماعت کرے گا۔
پی ٹی آئی کا 190 ملین پاؤنڈ کیس کا فیصلہ 48 گھنٹوں میں چیلنج کرنے کا فیصلہ
بانی اور بشریٰ بی بی نے احتساب عدالت کے فیصلے کے خلاف اپیلیں دائر کر رکھی ہیں جن میں سزا اور فیصلے کو چیلنج کیا گیا ہے۔
**190 ملین پاؤنڈ کیس کا فیصلہ سنا دیا گیا، عمران خان کو 14 سال اور بشریٰ بی بی کو 7 سال قید کی سزا**
واضح رہے کہ 17 جنوری کو راولپنڈی کی اڈیالہ جیل میں قائم احتساب عدالت کے جج ناصر جاوید رانا نے 190 ملین پاؤنڈ کے ریفرنس میں عمران خان کو مجرم قرار دیتے ہوئے 14 سال قید اور ان کی اہلیہ مجرمہ بشریٰ بی بی کو 7 سال قید کی سزا سنائی تھی،عمران خان پر 10 لاکھ اور بشریٰ بی بی پر 5 لاکھ روپے جرمانہ بھی عائد کیا گیا تھا۔