**غزہ پر اسرائیل کی وحشیانہ کارروائیاں جاری، ناصر اسپتال پر تازہ حملہ میں حماس رہنما 5 فلسطینی شہید اور متعدد زخمی ہوگئے۔ **
فلسطینی حکام کے مطابق غزہ پر اسرائیل کی بمباری جاری، صہیونی فضائیہ کا ناصر اسپتال پر تازہ حملے میں حماس رہنما سمیت 5 فلسطینی شہید اور متعدد زخمی ہوگئے۔
عرب میڈیا کے مطابق حملے میں حماس کے پولیٹیکل بیورو کے رکن اسماعیل بھی شہید ہوگئے۔ گزشتہ 24 گھنٹوں میں شہداء کی تعداد 46 ہوگئی۔
اسرائیلی فورسز نے غزہ کے ساتھ لبنان میں بھی سفاکانہ حملے دوبارہ شروع کر دیئے،48 گھنٹے کے دوران 130 فلسطینی شہید ہو گئے۔
میڈیا رپورٹس کے مطابق فضائی حملوں سے اسرائیل اور حزب اللہ کے درمیان جنگ بندی کو خطرہ لاحق ہے، جنگ بندی معاہدے کے باوجوداسرائیلی فوج کے غزہ پر 5 روز سے وحشیانہ حملے جاری ہیں۔
محکمہ صحت غزہ کے مطابق صیہونی حملوں میں 263 فلسطینی زخمی ہوئے، غزہ 5 روز میں جاری اسرائیلی بمباری سے شہداء کی تعداد 634 ہو گئی۔
18 ماہ سے جاری جنگ میں شہید ہونے والے فلسطینیوں کی تعداد 50 ہزار سے زائد ہوگئی ہے۔