گورنر خیبرپختونخوا فیصل کریم کنڈی نے کہا کہ وزیراعظم کو سی سی آئی کی ایک سال سے موخر میٹنگ طلب کر کے سندھ میں پانی کے مسئلے پر پائی جانے والی بے چینی کا خاتمہ کرنا چاہیے، کل چیرمین بلاول بھٹو زرداری اہم روڈ میپ دیں گے۔
ذوالفقارعلی بھٹو کی گڑھی خدا بخش میں برسی میں شرکت کے لئے سکھر ایئر پورٹ پر میڈیا ٹاک کرتے ہوئے فیصل کریم کنڈی نے کہا کہ سندھ اور بلوچستان کے وزرائے اعلیٰ نے پانی کے مسئلے پر وزير اعظم کو خطوط لکھے ہیں۔
انہوں نے کہا کہ پورے پاکستان میں پانی کے حوالے سے پیپلز پارٹی کا ایک ہی موقف ہے، یہ فیصلے بیانات سے نہیں بلکہ مل بیٹھ کر حل کرنے ہوں گے۔
فیصل کریم کنڈی نے خیبرپختونخوا میں گورنر راج کو مسترد کردیا
گورنر خیبرپختونخوا نے کہا کہ خیبرپختونخواہ میں امن و امان کی صورتحال بہتر نہیں حالانکہ ہمارے دور میں وہاں حالات آج سے بہتر تھے. اٹھارویں ترمیم کے بعد صوبائی حکومت کی ذمہ داری ہے کہ حالات بہتر کرے۔
فیصل کریم کنڈی نے کہا کہ کے پی حکومت نے صوبہ دہشتگردوں کے حوالے کر دیا ہے. صوبائی وزراء کے پی کے امن کو درست کرنے کی بجائے الزامات لگا رہے ہیں۔
بانی پی ٹی آئی ماضی میں جیلوں سے فریج نکالنے کا کہتے تھے، آج مرغے مانگتے ہیں، فیصل کریم کنڈی
ان کا کہنا تھا کہ وفاقی حکومت پیپلز پارٹی کے تعاون کے بغیر نہیں چل سکتی، ہم سمجھتے ہیں کہ پیکا ایکٹ میں ترمیم کی ضرورت ہے۔
گورنر خیبرپختونخوا نے کہا کہ میڈیا کو بھی ذمہ دارانہ رول ادا کرنے کی ضرورت ہے، رمضان میں بلاول بھٹو نے وزیر اعظم کے سامنے مظبوط موقف پیش کیا تھا، وزیر اعظم نے کہا جلد اس مسئلے پر میٹنگ کال کریں گے ، پی پی تمام صوبوں کے حقوق کی محافظ ہے۔