پاکستانی ڈرامہ انڈسٹری کی نوجوان اور ابھرتی ہوئی اداکارہ عینا آصف، جنہوں نے کم عمری میں ہی اپنی اداکاری سے ناظرین کے دل جیت لیے، حال ہی میں ایک مارننگ شو میں جلوہ گر ہوئیں۔
پروگرام میں ان کے ہمراہ ان کے نئے ڈرامہ کے ساتھی اداکار ثمر جعفری اور ابوالحسن بھی شریک تھے۔
حرا مانی کی ہم شکل نے سوشل میڈیا کو ہلا کر رکھ دیا
شو کے دوران جب میزبان نے ہنستے ہنستے عینا سے پوچھا کہ وہ شادی کے بارے میں کیا سوچتی ہیں اور کس عمر میں شادی کو مناسب سمجھتی ہیں، تو نوجوان اداکارہ شرما گئیں اور مسکراتے ہوئے کہا کہ، ”ابھی میری عمر نہیں ہے شادی کے لیے، یہ لوگ بات کریں شادی پر۔“
ندا یاسر نے مزید کہا کہ وہ صرف ان کی رائے جاننا چاہتی ہیں، شادی کا انتظام نہیں کر رہیں، جس پرعینا نے خوش دلی سے جواب دیا، ’ابھی میں نے شادی کے بارے میں کچھ نہیں سوچا، لیکن شاید 25 یا 26 سال کی عمر میں سوچوں گی۔
نماز اور ڈپریشن سے متعلق عینا آصف اور ابوالحسن کے بیان پر صارفین سیخ پا
عینا آصف نے واضح کیا کہ اس وقت ان کی مکمل توجہ تعلیم اور کیریئر پر ہے۔ انہوں نے کہا کہ وہ ابھی صرف 15 سال کی ہیں اور نویں جماعت میں پڑھ رہی ہیں، اس عمر میں شادی کے بارے میں سوچنے کے بجائے اپنے خوابوں کی تعبیر پر کام کر رہی ہیں۔
یاد رہے کہ جنوری 2024 میں بھی ایک انٹرویو کے دوران عینا نے یہی مؤقف اپنایا تھا کہ وہ ابھی کم عمر ہیں، اور 18 سال کی عمر کے بعد ہی شادی سے متعلق سوچنے کا ارادہ رکھتی ہیں۔
اب نیا بیان دے کر انہوں نے واضح کر دیا ہے کہ وہ شادی کے بارے میں سنجیدگی سے 25 یا 26 سال کی عمر میں غور کریں گی۔
عینا آصف کے اس نپی تلی اور باشعور مؤقف کو سوشل میڈیا پر خوب سراہا جا رہا ہے۔ کئی صارفین نے ان کی بصیرت اور تعلیم پر فوکس کو سراہتے ہوئے کہا کہ وہ نوجوانوں کے لیے ایک مثبت مثال ہیں، جو کم عمری میں شہرت پا کر بھی اپنے اہداف سے جڑی ہوئی ہیں۔