پاکستان شوبز کے معروف اداکار اور میزبان احمد علی بٹ نے سنیما گھروں کی بقا کے لیے بالی ووڈ سمیت دنیا بھر کی فلموں کی نمائش کی اہمیت پر زور دیا ہے۔
احمد علی بٹ نے اپنے انسٹاگرام اسٹوری پر ایک پیغام میں کہا کہ سنیما انڈسٹری کی زندگی کے لیے دنیا بھر سے فلموں کا آنا ضروری ہے، چاہے وہ ہالی ووڈ، بالی ووڈ، لالی ووڈ یا کالی ووڈ کی فلمیں ہوں۔
عامر خان اپنی نئی گرل فرینڈ دنیا کے سامنے لے آئے
انہوں نے مزید کہا کہ پاکستان میں سنیما گھروں کی بندش کا سلسلہ تیزی سے جاری ہے، اور اس صورتحال کو روکنے کے لیے سینما میں دوسرے ملکوں کی فلموں کی ضرورت ہے تاکہ انڈسٹری کے حالات بہتر ہو سکیں۔
ان کا کہنا تھا کہ ہم مزید سنیما گھروں کو بند کرنے کے متحمل نہیں ہو سکتے اور ہمیں اپنے سنیما گھروں کو سپورٹ کرنا چاہیے تاکہ وہ اپنی جگہ برقرار رکھ سکیں۔
احمد علی بٹ کے پیغام کے مطابق، یہ مسئلہ صرف پاکستانی سینما تک محدود نہیں بلکہ عالمی سطح پر فلم انڈسٹری کی ترقی اور سنیما کی بقا کے لیے ایک سنگین مسئلہ بن چکا ہے۔
عمر شہزاد نے اپنی شادی سے متعلق تفصیلات مداحوں سے شیئر کردیں
اس سے قبل معروف ہدایتکار ابو علیحہ بھی سنیما گھروں کی بحالی کی اہمیت پر زور دے چکے ہیں اور انہوں نے بالی ووڈ فلموں پر عائد پابندی کے خاتمے کو ضروری قرار دیا تھا تاکہ سنیما کی صنعت کو دوبارہ فروغ مل سکے۔