سوشل میڈیا پرملکی اداروں اور اہم شخصیات کیخلاف توہین آمیز پوسٹ شہبازگل سمیت 7 افراد پرمقدمات درج شہباز گل سمیت7 افراد کے خلاف 2 مقدمات درج کرلیے۔
ذرائع ایف آئی اے کے مطابق مقدمات میں احمد نورانی، وقارملک، عادل راجہ سمیت دیگر کو نامزد کیا گیا، سوشل میڈیا پرجرائم پر ایف آئی اے سائبر کرائم کو کارروائی کا اختیار مل چکا ہے۔
ذرائع ایف آئی اے کا کہنا ہے کہ ایک نامزد ملزم تحسین پنسوتہ شیخوپورہ جبکہ دوسرا ملزم شفیق الرحمن لاہور کا رہائشی ہے، مقدمے میں صحافی صابر شاکر کو بھی نامزد کیا گیا۔
وزیراعلیٰ پنجاب اور یو اے ای صدر کیخلاف سوشل میڈیا مہم کے معاملے پرمزید 5 ملزمان گرفتارکیے گئے۔
ایف آئی اے کے مطابق پیکا ایکٹ کے تحت دو مقدمات درج کرکے سوشل میڈیا پر منفی پروپیگنڈا کی تحقیقات شروع کر دی گئی ہیں۔