پیسفک جزیرہ ٹونگا کے گاؤں پانگائی سے 90 کلومیٹر جنوب مشرق میں 7.1 شدت کا زلزلہ آیا، امریکی جیولوجیکل سروے (USGS) نے ہفتے کے روز اس کی تصدیق کی۔
زلزلہ مقامی وقت کے مطابق صبح 3 بج کر 18 منٹ (1218 جی ایم ٹی) پر آیا۔ ابتدائی طور پر اس کی شدت 7.3 بتائی گئی تھی، تاہم بعد میں اسے 7.1 قرار دیا گیا۔ زلزلے کی گہرائی 10 کلومیٹر تھی، جو اسے ایک اتھلا زلزلہ بناتی ہے، اور اس کے نتیجے میں سطح پر شدید جھٹکے محسوس کیے جا سکتے ہیں۔
تاحال کسی جانی یا مالی نقصان کی اطلاع موصول نہیں ہوئی، اور پیسیفک سونامی وارننگ سینٹر نے سونامی کی کوئی وارننگ جاری نہیں کی۔
میانمار اور تھائی لینڈ میں زلزلوں کے دوران ہلاکتیں 1644 سے متجاوز، سیکڑوں تاحال لاپتہ
یہ علاقہ زلزلوں اور آتش فشانی سرگرمیوں کے لیے بدنام پیسیفک رنگ آف فائر میں واقع ہے، جہاں ٹیکٹونک پلیٹوں کی سرگرمی اکثر شدید زلزلوں کا سبب بنتی ہے۔
ٹونگا حکام کی جانب سے ابھی تک کوئی سرکاری بیان جاری نہیں کیا گیا، تاہم مقامی مانیٹرنگ ایجنسیاں زلزلے کے اثرات کا جائزہ لے رہی ہیں۔