شیرافضل مروت کہتے ہیں سلمان اکرم راجہ کو علیمہ خان کی حمایت حاصل ہے۔ انہیں کی وجہ سے یہ ملاقاتیں کراتے ہیں۔ یہ غلط بیانی اور چغل خوری کرتے ہیں۔
سابق رہنما پی ٹی آئی شیرافضل مروت نے کہا ہے کہ سلمان اکرم راجہ کو علیمہ خان کی حمایت حاصل ہے۔ انہیں کی وجہ سے یہ ملاقاتیں کراتے ہیں۔ یہ غلط بیانی اور چغل خوری کرتے ہیں۔
شیر افضل مروت نے کہا کہ بانی پی ٹی آئی کبھی اداروں کو گالی دینے کا نہیں کہا۔ میں نے جلسے میں پاک فوج زندہ باد کا نعرہ لگایا تو لوگ میرے پیچھے پڑگئے۔
اس سے قبل لاہور کی انسداد دہشتگردی عدالت میں پیشی کے موقع پر میڈیا سے گفتگو کرتے ہوئے سلمان اکرم راجہ نے کہا کہ پی ٹی آئی آئین و قانون کی بالادستی اور شفاف انتخابات کے لیے پرعزم ہے۔
ان کا کہنا تھا کہ ہم چاہتے ہیں ملک میں بنیادی حقوق بحال ہوں، اور اگر کوئی یہ سمجھتا ہے کہ ہم پتلی گلی سے نکل جائیں گے تو ایسا ہرگز نہیں ہوگا۔