24 اپریل کو پاکستان نے صرف بھارتی ایئرلائنز کے لیے اپنے فضائی حدود کو 1 ماہ کے لیے بند کرنے کا اعلان کیا جس کے بعد بھارتی طیاروں اور مسافروں کو شدید مشکلات سامنا ہے۔
پاکستان کی جانب سے یہ فیصلہ پہلگام حملے کے بعد بھارتی دھمکیوں کے جواب میں کیا گیا ہے۔
رپورٹ کے مطابق پاکستانی فضائی حدود کی بندش کے بعد کئی بھارتی پروازوں کو اپنا راستہ بدلنا پڑا۔ شروعات میں پروازوں نے ایندھن بھرنے اور فوری طور پر واپس جانے کے لیے قریب ترین ایئرپورٹس پر انحراف کیا، لیکن وقت گزرنے کے ساتھ یہ معمول بن گیا۔
مثال کے طور پر انڈیگو کی ایک پرواز جو شارجہ سے امرتسر جا رہی تھی، اس نے اپنا راستہ بدلا اور احمد آباد میں رک کر پھر اپنی منزل کی جانب روانہ ہوئی۔ ایئر انڈیا کی پروازیں لندن اور پیرس سے ابو ظہبی تک تبدیل ہوئیں، جبکہ شمالی امریکہ سے آنے والی پروازیں وینا اور کوپن ہیگن کی جانب موڑی گئیں۔
پاکستانی فضائی حدود بند ہونے سے بھارتی مسافر در بدر ہوگئے
میڈیا رپورٹس کے مطابق صورتحال کے واضح ہونے کے بعد ایئرلائنز نے شمالی امریکہ سے آنے اور جانے والی پروازوں کے لیے کوپن ہیگن (Copenhagen) اور ویانا (Vienna) کو ایندھن بھرنے اور دیگر تکنیکی مسائل کے حل کیلئے عارضی اسٹاپ کے طور پر استعمال کرنے کا منصوبہ بنایا ہے۔ فضائی حدود کی بندش کے فیصلے کے بعد بعض پروازوں میں 3 سے 6 اضافی گھنٹے کی تاخیر ہوئی۔
تکنیکی اسٹاپ سے مراد فیول بھرنا، جہاز کے عملے کا آرام اور انجن بحالی ہوتا ہے، تاہم ہر لینڈنگ کے ساتھ کچھ ضروری طریقہ شامل ہوتے ہیں، جن میں سامان کی چیکنگ وغیرہ شامل ہیں۔ اس عمل کے بعد سے طیارے کے حصوں کی زیادہ چیکنگ اور دیکھ بھال کی ضرورت طلب ہو رہی ہے، جو ایئر انڈیا کے شیڈول کو متاثر کر رہی ہے کیونکہ جتنی زیادہ پروازیں لینڈ کرتی ہیں، اتنی ہی زیادہ چیکنگ کی ضرورت پیش آتی ہے۔
پاکستان کی فضائی حدود کی بندش کے بعد بھارتی ائر لائنز کو بھاری نقصان پہنچ گیا
کوپن ہیگن اور وینا ایسے ایئرپورٹس ہیں جہاں ایئر انڈیا پہلے ہی پروازیں چلاتا ہے اور یہ یورپ کے سستے ایئرپورٹس میں شامل ہیں۔
رپورٹ میں بتایا گیا ہے کہ ایئر انڈیا نے ابھی تک کسی پرواز کو منسوخ نہیں کیا، لیکن اسے بعض روٹس پر پروازوں کی تعداد کم کرنی پڑ سکتی ہے کیونکہ اس کے پاس اضافی طیارے نہیں ہیں جو تاخیر اور اس کے اثرات کو سنبھالنے کے لیے بفر کے طور پر استعمال کیے جا سکیں۔
پہلگام واقعہ: بھارتی فوج نے کشمیر میں مسلمان رہنماؤں کے گھر گرا دئے
بھارتی ائیرلائن کا منصوبہ متاثر ہو سکتا ہے
بھارتی ائیرلائن انڈیگو کی مالک کمپنی انٹرگلوب ایوی ایشن نے جمعہ کے روز بتایا کہ انہوں نے اپنے شیئرز کی قیمت میں 3.8 فیصد کمی دیکھی، حالانکہ مارکیٹ کا عمومی انڈیکس صرف 0.8 فیصد نیچے آیا۔ انڈیگو، جو گزشتہ روز پروازیں منسوخ کرنے والی پہلی ایئرلائن تھی، اس نے 7 مئی 2025 تک الماتی اور تاشقند کے لیے پروازوں کی فروخت روک دی، جس سے پہلے سے بک شدہ مسافر متاثر ہو سکتے ہیں۔
علاوہ وزیں دہلی سے استنبول جانے والی پروازوں کو ٹیکنیکل اسٹاپ کی ضرورت نہیں ہے کیونکہ وہ ترک ایئرلائنز سے کرائے پر حاصل کردہ وسیع جسم والے B777 طیاروں سے چلائی جاتی ہیں، لیکن ان پروازوں کا وقت 30 منٹ بڑھ چکا ہے۔ دہلی اور دیگر شمالی ائیرپورٹس سے مشرق وسطیٰ جانے والی پروازیں بھی اضافی پرواز کے وقت کے باعث تاخیر کا شکار ہوئیں۔