اسپیکر خیبر پختونخوا اسمبلی بابر سلیم سواتی نے کہا ہے کہ اعظم سواتی پیدائشی جھوٹا ہے۔ میں اپنا مؤقف بانی پی ٹی آئی کے سامنے پیش کروں گا۔ بانی پی ٹی آئی کا جو بھی حکم ملا، اس پر بلا تاخیر عمل کروں گا۔ کہا سیاست میں منافقت کا سہارا لینے والے کبھی سرخرو نہیں ہوسکتے۔
اسپیکر خیبر پختونخوا اسمبلی بابر سلیم سواتی نے اعظم سواتی کی پریس کانفرنس پر ردعمل میں کہاکہ وہ جھوٹ پر مبنی بیانات کا جواب دینا ضروری نہیں سمجھتے ہیں، اعظم سواتی نے خود اپنی میڈیا ٹاک میں تسلیم کیا کہ وہ صرف دل کی بھڑاس نکالنے گئے تھے، اور اب اسی بنیاد پر بے جا پروپیگنڈا کر رہے ہیں۔
بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے، اعظم سواتی
بابر سلیم سواتی کا کہنا تھا کہ اعظم خان سواتی پیدائشی جھوٹا ہے، اس کی پریس کانفرنس کے متعلق کوئی جواب دینا نہیں چاہتا ہوں، اعظم سواتی کے لگائے گئے تمام الزامات من گھڑت اور بے بنیاد ہیں، میں اپنا مؤقف چیئرمین پی ٹی آئی عمران خان کے سامنے پیش کروں گا۔
انہوں نے کہا کہ کرپشن کے تمام الزامات جھوٹ کا پلندہ ہیں، جن کا جواب میں پہلے ہی پارٹی کی احتساب کمیٹی کو دے چکا ہوں، سیاست میں منافقت کا سہارا لینے والے کبھی سرخرو نہیں ہوتے ہیں۔
اعظم سواتی کے الزامات پر اسپیکر کے پی اسمبلی کا وزیراعلیٰ کو خط، تحقیقات کا مطالبہ
اسپیکر کے پی نےکہا کہ اعظم سواتی کا تکبر اور انا انہیں اس حد تک لے آئی ہے کہ وہ حقائق کو پس پشت ڈال کر من گھڑت بیانیے بنا رہے ہیں، بانی چیئرمین کا فیصلہ ہی میرا فیصلہ ہوگا، اور ان کے ہر حکم پر بلا تاخیر عمل کروں گا۔
یاد رہے کہ بانی پی ٹی آئی سے گذشتہ روز اعظم سواتی اور دیگر پی ٹی آئی رہنمائوں نے ملاقات کی، ملاقات کے دوران اعظم سواتی نے اسپیکر خیبر پختونخوا اسمبلی بابر سلیم سواتی پر سنگین الزامات لگائے تھے۔