سابق کرکٹر دانش کنیریا نے پہلگام واقعے پر پاکستان کیخلاف زہر اُگل دیا۔
سابق کرکٹر نے سوشل میڈیا پر ایک متنازعہ ٹوئٹ میں پہلگام حملے کا ذمہ دار پاکستان کو ٹہرا دیا۔
دانش کنیریا نے پہلگام حملے کے بعد متنازع ٹوئٹ میں کہا کہ اگر پاکستان اس حملے میں ملوث نہیں تو وزیراعظم نے ابھی تک مذمت کیوں نہیں کی؟
انہوں نے اپنی ٹوئٹ میں پاکستان کے وزیراعظم شہباز شریف کو مینشن بھی کیا۔ دانش کنیریا نے اپنی متنازع ٹوئٹ میں مزید لکھا کہ آپ کی فورسز اچانک ہائی الرٹ پر کیوں ہیں؟ اس لیے کیونکہ آپ سچ جانتے ہیں۔
سابق کرکٹر نے اپنی ٹوئٹ میں الزام لگاتے ہوئے کہا کہ آپ دہشتگردوں کو پناہ دے رہے ہیں، شرم آنی چاہیئے۔
کشمیری صحافی کا بھارتی سیکیورٹی سسٹم پر سوال: ’کیا پہلگام حملہ اندرونی سازش کا نتیجہ؟‘
پاکستانی سوشل میڈیا صارفین اور سیاسی حلقوں کی جانب سے دانش کنیریا کو شدید تنقید کا نشانہ بنایا گیا، اور بغیر ثبوت کے لگائے گئے الزامات قرار دیا۔
بعض صارفین کا کہنا ہے کہ اس طرح کا متنازع بیان دونوں ممالک کے درمیان کشیدگی بڑھنے کی وجہ بن سکتے ہیں۔
واضح رہے گزشتہ روز وزیراعظم شہباز شریف کی زیر صدارت قومی سلامتی کمیٹی کے اجلاس میں ملک کی سول و عسکری قیادت نے پہلگام فالس فلیگ آپریشن کے بعد بھارت کی جانب سے سندھ طاس معاہدے کی معطلی کے اقدام کو مسترد کرتے ہوئے بھارت سے ہر قسم کی تجارت، واہگہ بارڈر اور فضائی حدود بند کرنے کا فیصلہ کیا اور کہا ہے کہ پانی روکنے کو اعلان جنگ تصور کیا جائے گا، کسی بھی جارحیت کا بھرپور جواب دیا جائے گا۔
خیال رہے کہ مقبوضہ جموں و کشمیر کے سیاحتی مقام پہلگام میں نامعلوم افراد کی فائرنگ سے 28 سیاح ہلاک اور 11 زخمی ہوگئے تھے جس پر پاکستان کی جانب سے بھی اطہار افسوس کیا گیا تھا۔