پہلگام واقعے کے بعد بھارت نے وضاحت کی ہے کہ پاکستانی ہندو شہریوں کو جاری کیے گئے طویل مدتی ویزے کارآمد رہیں گے۔
بھارتی وزارت خارجہ کی جانب سے جاری وضاحتی بیان میں کہا گیا ہے کہ سارک ویزا استثنیٰ اسکیم کے تحت پاکستانی شہریوں کو جاری کیے گئے بعض ویزوں کی منسوخی کا فیصلہ صرف مخصوص حالات پر لاگو ہوگا، اور طویل مدتی قیام کے اجازت نامے رکھنے والے پاکستانی ہندو اس سے مستثنیٰ ہیں۔
واضح رہے کہ بھارتی وزارت خارجہ نے 27 اپریل سے پاکستانی شہریوں کے ویزے منسوخ کرنے کا فیصلہ کیا تھا۔
پہلگام واقعے پر بی جے پی رہنما بوکھلاہٹ کا شکار، عام اینٹینا کو خفیہ ڈیوائس سمجھ بیٹھے
یاد رہے کہ منگل کے روز مقبوضہ کشمیر کے علاقے پہلگام میں پیش آنے والے مبینہ حملے میں 26 افراد کی ہلاکت کے بعد بھارت کی کابینہ کمیٹی برائے سلامتی نے بعض پاکستانی شہریوں کو جاری کیے گئے ویزے منسوخ کرنے اور ملک چھوڑنے کے لیے 48 گھنٹے کی مہلت دینے کا اعلان کیا تھا۔