کراچی میں سپر ہائی وے جنجال گوٹھ کے علاقے میں معمولی جھگڑا جان لیوا لڑائی میں بدل گیا۔ پولیس کے مطابق دو کمسن بچوں کے درمیان لیڈو گیم کھیلتے ہوئے تلخ کلامی ہوئی، جو دیکھتے ہی دیکھتے سنگین جھگڑے میں تبدیل ہوگئی۔ اس دوران 10 سالہ علی نے اپنے دوست ابوبکر پر حملہ کردیا، جس کے نتیجے میں ابوبکر جان کی بازی ہار گیا۔
پولیس نے بتایا کہ جاں بحق ہونے والے بچے کی شناخت 10 سالہ ابوبکر کے نام سے کی گئی ہے، جبکہ ملزم بچے کی شناخت بھی 10 سالہ علی کے نام سے ہوئی ہے۔ افسوسناک واقعے کے بعد مقتول ابوبکر کی لاش ضابطے کی کارروائی کے لیے اسپتال منتقل کردی گئی۔
سائٹ سپر ہائی وے پولیس نے فوری کارروائی کرتے ہوئے کم عمر قاتل علی کو گرفتار کرلیا ہے۔ پولیس حکام کے مطابق ابتدائی تفتیش میں یہ بات سامنے آئی ہے کہ دونوں بچے لوڈو کھیلنے کے دوران جھگڑے میں الجھ گئے تھے، جس کے نتیجے میں یہ افسوسناک سانحہ پیش آیا۔