پاکستان سمیت دنیا بھر میں آج ”ارتھ آور“ منایا جا رہا ہے، جس کے تحت رات ساڑھے آٹھ بجے سے ساڑھے نو بجے تک تمام غیر ضروری روشنیاں اور برقی آلات بند کر دیے جائیں گے۔
یہ دن ماحولیاتی تبدیلیوں سے متعلق شعور اجاگر کرنے اور زمین سے محبت کے اظہار کے لیے منایا جاتا ہے۔ کراچی سمیت ملک کے مختلف شہروں میں بھی ارتھ آور کی مناسبت سے روشنیاں بجھانے کا عمل کیا جائے گا۔
ورلڈ وائیڈ فنڈ (ڈبلیو ڈبلیو ایف) نے ارتھ آور کو 2007 میں متعارف کروایا تھا، جس کے بعد سے ہر سال مارچ کے آخر میں مخصوص دن پر یہ مہم دنیا بھر میں منائی جاتی ہے۔