پہلگام فالس فلیگ آپریشن کے بعد بھارت کے اندر مودی حکومت کے خلاف آوازیں مزید بلند ہو گئیں۔ عام آدمی پارٹی کے رہنما نے بھارتی حکومت کے فیصلوں پر شدید تنقید کرتے ہوئے کہا کہ اس تمام صورتحال کا نقصان صرف بھارت کو ہو رہا ہے۔
رہنما نے سوال اٹھایا کہ لائن آف کنٹرول سے تقریباً 200 کلومیٹر اندر، جہاں سخت سکیورٹی کے انتظامات موجود ہیں وہاں مسلح افراد کس طرح داخل ہوئے، مسلح افراد نے کارروائی کی اور پھر بغیر کسی رکاوٹ کے فرار بھی ہو گئے؟
پہلگام واقعہ: بھارتی پولیس اسٹیشن میں دائر ایف آئی آر سے مودی حکومت کا جھوٹ بے نقاب
انہوں نے کہا کہ بی جے پی حکومت کو بھارتی عوام کے ساتھ یہ مذاق بند کرنا ہوگا۔ عام آدمی پارٹی کے رہنما نے پلوامہ واقعے کے محرکات پر بھی گہرے تحفظات کا اظہار کرتے ہوئے کئی اہم سوالات اٹھائے اور کہا کہ عوام اب صرف دکھاوے سے مطمئن نہیں ہوں گے۔
پہلگام فالس فلیگ حملے کے پیچھے چھپے بھارتی محرکات 24 گھنٹوں میں سامنے آگئے
ان کا کہنا تھا کہ مودی حکومت کو ہر حال میں عوام کے سامنے جواب دہ ہونا پڑے گا اور ملک میں شفافیت اور سچائی کو یقینی بنانا ہوگا۔